《家有女友》係由日本漫畫家流石景所創作嘅漫畫作品，由2014年起喺日本雜誌《週刊少年Magazine》上連載至今。故事講述高中生藤井夏生一直暗戀成日喺頂樓散心嘅女老師陽菜，有次喺一場聯誼會上，同初次見面嘅女生瑠衣唔小心經歷咗初體驗，幾日之後，心情仍未平復嘅夏生得知爸爸要再婚嘅消息，而新母親帶嚟嘅兩個孩子正正係陽菜老師同埋同夏生發生初體驗嘅女仔。於是一段錯綜複雜嘅三角關係就咁開始……

而最近官方傳出，呢部色氣滿滿嘅漫畫作品將決定動畫化，由井畑翔太監督、高橋龍也負責劇本統籌，井出直美負責角色設計，以及diomedéa擔任製作。

不過關於《家有女友》動畫化嘅消息暫時未有太多資料公開，想知幾時有得睇，巴打們就要再慢慢等喇。