《週刊少年Jump》50週年紀念活動真係一浪接一浪，又推出真人版日劇，又有「JUMP圖書館」，又有別注T-Shirt企劃等等，而粉絲們最期待嘅相信就係「週刊少年Jump展」，據官方網站介紹，展覽中最主要嘅展品係眾多作品嘅原畫，由於作品太多，所以「週刊少年Jump展」會分成三個階段開展，第一、二階段經已順利展出，由2018年7月17日至9月30日，就到第三階段嘅展出，到時將會有好多2000年後嘅經典作品！

而為咗宣傳最後一期嘅「週刊少年Jump展」，《週刊少年Jump》將澀谷站一排排嘅排圓柱廣告租晒落黎！每條柱都有一個漫畫作品，行到邊都見到你熟悉嘅漫畫角色，簡直係滿滿嘅青春隧道！就算唔去「週刊少年Jump展」，淨係喺澀谷站影下相都夠開心呀！