《週刊少年Jump》創刊50周年紀念對巴打而言絕對係一大盛事！由上年開始到今時今日，都仲keep住不停推出一個又一個周年紀念嘅企劃同埋爆多周邊商品，不過唔講唔知，原來除咗係《週刊少年Jump》創刊50周年之外，仲係桌上遊戲《The Game of Life》嘅50周年，於是佢哋就決定crossover，推出《週刊少年JUMP》x《生命之旅》桌上遊戲，當中仲集合咗歷代53部人氣漫畫，Jump迷絕對要儲！

呢款《週刊少年JUMP》x《生命之旅》桌上遊戲設有一個原創故事，眾多《週刊少年JUMP》嘅漫畫角色會以卡片模式登場，遊戲入面嘅格會以漫畫為分界，並分為不同關卡，玩嘅時候就好似睇緊漫畫咁，感覺新穎又有趣。

目前《週刊少年JUMP》x《生命之旅》桌上遊戲售價4,500円，將於2018年7月31日正式發售，Jump迷萬勿錯過！