自從同Mayweather上演拳擊比賽「世紀之戰」後，MMA雙料世界冠軍McGregor就再無參加比賽，其中喺鐵籠入面舉行嘅UFC賽事就更加自2016年11月後就再無參加。不過，各位Fans終於等到啦，McGregor宣佈喺今年10月將再次參加比賽！

日前有關McGregor嘅比賽正式對外公佈，呢位曾經不敵Mayweather嘅MMA拳王終於迎來自己生涯第25場MMA賽事，而佢黎緊嘅對手係黎自俄羅斯嘅29歲選手Khabib Nurmagomedov。

對於一班McGregor Fans一定非常高興，因為佢地終於可以再次見到偶像走入擋台進行大戰，不過今次McGregor即將遇到嘅對手並唔講得少，因為佢目前已經保持26戰全勝嘅戰績，同埋佢今年4月先岩岩贏到UFC輕量級嘅世界冠軍，相比超過1年無比過賽嘅McGregor，Nurmagomedov狀態應該贏成條街。

不過其實自從同Mayweather完成「世紀之戰」後，McGregor已經賺得可能世成人都搵唔到嘅收益(大慨1億美元)，所以理論上佢嘅生活已經無憂。雖然係咁，呢位「嘴炮拳王」仍然不時搞事，較早前更因為暴力行為差啲就被送入監獄。

今年10月6日，雙方將會喺拉斯維加斯進行呢場比賽，究竟邊個會贏呢？大家拭目以待吧！