《JoJo的奇妙冒險》第四部——不滅鑽石會推出真人版嘅消息，嚇到唔少粉絲心都離埋，話晒畫風咁獨特嘅JOJO要拍成真人版的確好難重現佢嘅味道，仲話主角要由勁清新嘅山崎賢人演添！大佬，東方仗助點睇都唔係咁Fresh啦，好難接受喎！接受唔到？唔怕！唔睇《JoJo的奇妙冒險》第四部——不滅鑽石真人版，都仲可以睇《JOJO的奇妙冒險》第五部——黃金之風！

之前MenClub已經同大家提過，集英社喺2017年12月20日已經提交咗《JOJO的奇妙冒險：黃金之風》嘅商標申請，到今年在1月9日終於正式通過審核，可以推出《JOJO的奇妙冒險：黃金之風》動畫，不過當時除咗確定《黃金之風》動畫化之外，其他消息一律都未知，等咗咁耐，官方終於再有消息公佈，釋出主角喬魯諾・喬巴拿嘅角色PV！