老實講，《魔偶馬戲團》唔算好紅，但唔少睇過嘅人都認為呢套漫畫好好睇甚至可以稱上係「神作」，而且《魔偶馬戲團》仲成日會出現喺高登神作post，可見《魔偶馬戲團》就算唔係好出名，質素應該都有咁上下保證。不過循例都同大家介紹一下《魔偶馬戲團》呢套作品。

《魔偶馬戲團》係日本漫畫家藤田和日郎所著嘅漫畫作品，於2018年3月初宣佈動畫化，3月14日決定以電視動畫方式製作，並將於2018年10月起首播。《魔偶馬戲團》故事講述「才賀」係日本大財團，以高科技產品聞名，而才賀集團主席同佢嘅情婦生咗個小朋友，取名為「勝」。勝自少被人欺負，性格內向怕事，不過佢嘅命運好快就改變，因為佢爸爸喺一次交通意外中身亡，並將所有遺產交託畀只係小學五年級嘅勝。呢個安排令元配嘅仔女都非常不滿，決定要由勝手上拎返筆遺產。於是勝就不斷被人追殺，但係佢記得爺爺曾經同佢講過，如果有咁嘅一日，就去馬戲團搵一個叫「白銀」嘅人……

而《魔偶馬戲團》已決定會喺今年10月起首播，官方就釋出首個宣傳影片，並向大家公開聲優陣容，一齊睇過～！

《魔偶馬戲團》首個宣傳影片︰