《女子高中生》（女子かう生）係日本漫畫家若井健所創作嘅漫畫作品，故事係圍繞以桃子為中心嘅三位高中女生搞笑而溫馨嘅日常生活，漫畫中冇出現任何角色對話，只依靠角色動作同擬聲詞嚟推動故事表達同發展。

00

而喺2018年9月12日發售嘅《女子高中生》漫畫第8卷裡面，就宣告《女子高中生》將改編為電視動畫，雖然預計動畫裡面同漫畫一樣，都係冇任何角色對白，但相信一眾巴打睇見3位萌萌女高中生嘅日常生活，就算佢哋唔出聲，一樣睇得開心，而且呢套漫畫裡面有唔少福利畫面，作為動畫，應該唔少得呢啲場面嘅。

不過目前官方都只係公布《女子高中生》漫畫將會動畫化嘅消息外，其他詳細消息都未有提及，大家想了解多啲就要再等下喇。