由日本漫畫家斐宮ふみ所創作嘅奇幻漫畫《大人的防具店》（おとなの防具屋さん）係講述普通村民「卡伍茲」去到城入面搵工作，發現有間奇怪嘅店，呢間店基於布料越少防禦能力越強嘅神祕準則，製造出讓女性冒險者可以輕鬆上陣兼且可以發揮強大保護作用嘅防具，而可愛美少女店員「莉莉艾塔」本身有啲天然呆，連記帳都會出事，而店長都只會隨便用低價亂賣好裝備，為咗拯救呢間瀕臨倒閉嘅防具店，卡伍茲決定喺呢度努力工作！

而官方最近就話，《大人的防具店》呢套漫畫作品會改編做動畫，而且10月8日會播出第一集！到時將由石井馬克、櫻井孝宏、東山奈央、大森日雅、小松未可子、高橋智秋、M·A·O以及知名coser「えなこ」參與配音！鍾意嘅朋友快啲上網追睇返啦！