美斯作為世界最佳足球員之一，佢喺巴塞隆拿基本上已經獲得一切可得嘅榮譽，但可惜嘅係國家隊層面卻未能複製巴塞嘅成功，阿根廷喺佢嘅帶領下基本於大賽冠軍無緣，岩岩嘅俄羅斯世界盃16強出局表現令唔少球迷相當失望。

經歷今年嘅世界盃後，美斯目前為止暫沒有被征召參加國家隊嘅比賽，一方面係希望國家隊擺脫美斯依賴症，另一方面希望可以比美斯無論身心靈都抖一抖。

而作為阿根廷史上最偉大的球員，馬勒當拿日前接受訪問時直言：「美斯並不是一名領袖！」

「要一位在比賽前需要去20次廁所的球員成為一名領袖，這是浪費時間的。」

「在與球員及教練傾談前，他只在玩PlayStation，然後你走上場就想成為一名領袖？」

「他與C朗拿度都是世界最佳球員，但他不是一名領袖。」

「不要再要求美斯成為救世主，在巴塞隆拿他是美斯，但在阿根廷他是另一個美斯。」

「他必須拎走佢作為領袖的身份，佢先可以做番自己。」

31歲嘅美斯，曾經與世界盃冠軍非常接近，2014年巴西世界盃，美斯帶領阿根廷殺入決賽，但最於卻不敵德國飲恨僅奪得亞軍。而到左今年，阿根廷雖然喺小組賽最後一場成功打入16強，但面對最終奪得冠軍嘅法國，阿根廷以3:4落敗。