萬聖節睇場戲再出去玩夜場似乎係一個唔錯的選擇，但如果唔想睇太驚詫又血腥的恐怖片，想開開心心又應節睇咩好？我就覺得呢套書中自有魔怪谷2：翻生萬聖節一大班人睇都唔錯，起碼我一眼望落去就唸起《逃出魔幻紀》，好像都幾有趣。

《書中自有魔怪谷》系列改編自RL Stine著作的同名經典兒童故事書，3年前上左第一集，講一個中學小朋友意外從一本魔幻書放左好多怪獸出來，然後為左收科，成班友夾硬一隻隻捉返哂d怪獸入書。由於演員演出鬼馬，故事夠搞笑有趣，加上故事設定唔錯，第一集當年收1.5億美金票房。

首集賺到錢自然就有第二集接踵而來，香港時間今年10月30日萬聖節檔期，有呢套全新搞鬼有趣的魔怪谷2：翻生萬聖節，由《逃出魔幻紀：叢林挑機》靚女Madison Iseman、《小丑回魂》小肥仔Jeremy Ray Taylor、同埋Caleel Harris主演。再加埋重點今集三位主角要與「惡名遠播」的歹角木偶Slappy大鬥法，以勇氣和智謀拆解災難。

據聞電影以真實木偶而非全電腦CG畫面演出導演受訪時指：「我由細到大都喜歡木偶，看了很多相關的小說、電視和電影，這次可以親身操偶演出，實在是難能可貴的機會！」他認為喜愛木偶的觀眾一定會為Slappy的精彩演出拍案叫絕，又透露木偶和演員們演「對手戲」時有極多互動。睇來今集都應該保持到上集咁好笑。