《Tom and Jerry》係由William Hanna同Joseph Barbera於1939年5月8日創建嘅美國動畫系列短片，呢部短片系列主要描繪兩個主角Tom同Jerry之間嘅對抗，由於動畫中佢哋之間有好多搞笑過癮場面，所以非常受歡迎，係唔少人嘅童年回憶，而近日華納兄弟就同緊導演Tim Story洽談，將《Tom and Jerry》拍成混合CG嘅真人版電影，相信應該吸引唔少大人細路去睇！

根據外媒相關報導，《Tom and Jerry》將以真實環境搭配CG動畫進行拍攝，而電影當中嘅Tom同Jerry都會延續原作動畫特色，唔會開口講人話，純粹用肢體動作表達搞笑場面。

不過目前官方未有透露太多消息，只係知道《Tom and Jerry》真人版電影預計會2019年上映，想知更多詳情睇怕都有排等喇。