前阿仙奴及曼聯名將荷蘭前鋒雲佩斯日前宣佈，自己將會於今個球季結束後正式掛靴，結束自己18年職業球員生涯。

雲佩斯雖然曾效力阿仙奴長達8年時間(上陣278場攻入132球)，但佢直到轉投阿仙奴死敵曼聯後先首次奪得英超冠軍，而呢一次亦都係雲佩斯生涯唯一一個英超冠軍。而呢個聯賽冠軍唔單只對於雲佩斯意義重大，連帶都係曼聯隊史第20個英超冠軍，同時亦係「紅魔」近年最後一次奪聯賽冠軍。

雖然加盟曼聯前雲佩斯係效力阿仙奴，但係曼聯球迷好快就接受呢位射手，因為佢嘅表現係驚人的，首季效力「紅魔」已經成為英超金靴，全季攻入30球之多。

而日前雲佩斯接受訪問時透露：「我幾時會停落黎？這很可能在今個賽季結束後。我將迎來36歲，我喺5歲嘅時候已經接觸足球，當職業球員已經黎到第18年。」

雲佩斯喺2015-16球季離開曼聯轉投土超的費倫巴治，效力兩季後重返母會飛燕諾，雖然今季佢自己最大嘅目標係協助球隊取得聯賽冠軍，但佢認為就算呢個目標未能達成，佢嘅職業生涯已經相當完滿了。

雲佩斯生涯合共效力過4支球隊，總共上陣568場賽事攻入259球。而國家隊方面，雲佩斯一共為荷蘭隊上陣102場比賽攻入50球，係荷蘭隊史上入球最多的球員。