日本富士電視台製作的真人show戀愛節目戀愛巴士其實係日本愛情實況節目的長青樹，如果數數手指在日本已經有10年的歷史，最初憑住呢個節目認識到最後真正結婚成功的例子都的確有存在過，而且相信計一計都已經生兒育女，適逢netflix去年和富士電視台再製作拍攝全新的戀愛巴士，第一季去年已播放完畢，如今剛好日前發送上架有最新第二季的節目。

有旅遊、戀愛、靚景、實況、至於有無靚人就見人見智，包含有上面種種元素放入劇集中，的確讓戀愛巴士幾好睇，如果返查1999年至今，這個節目已經去過世界上好多好多唔同的國家，如果香港有同類的節目，唔知有幾多兄弟們報名參加，定要將節目改做港女巴士。

近年唔講全球單單日本國內戀愛真人show類的節目都唔少，Terrace House等等都相當成功，個人認為戀愛巴士的參與者的外表和氣質正常，相對當然唔係個個模特兒咁屈機，但我又覺得正正常常反而貼近真實少少，下下都靚仔靚女都難以致信，非常之假，呢點可能讓我覺得戀愛巴士同其他同類節目比現實點(當然我知有其他人分認為顏值更重要！)

By the way 第一季的主題曲非常好聽，唔知第二季會唔會轉歌，又有無咁正呢？

戀愛巴士：亞洲之旅 Ainori Love Wagon: Asian Journey 最新第二季

影片類型：紀實

國家：日本

發行：Netflix

種類：實境秀

日本最新季數：第二季

日本首播日期：2017.10.26

日本最新季首播日期：2018.11.01

香港最新季首播日期：2018.11.01

劇情

日本真人節目，七名男女踏上一輛粉紅色的巴士尋求真愛。與陌生人旅行亞洲各地之際，大夥的目標就是成雙成對的回到日本。