繼日本及台灣後，香港嘅《男兒當入樽》Fans終於等到啦，《蘋果日報》終於喺今日嘅報紙全頁頭牌仿照台灣一樣，刊登上《入樽》主角櫻木花道，作為Fans嘅你又入左手未先？

今次刊登喺頭版嘅櫻木海報，係由作者井上雄彥新裝再編版《男兒當入樽》第9期嘅封面，當時係打緊神奈川王者海南大附屬，而當刻係櫻木要挑戰「怪物」牧紳一，同時海報亦附上「我要超越神奈川No.1」呢句經典對白！

而除左頭版嘅櫻木之外，喺報紙嘅其餘頁數嘅頂部亦印有主角隊湘北嘅其他球員，好似流川楓、赤大、三井、宮城及四眼哥哥。

驟眼睇今朝9點幾嘅時候，市面上嘅報攤都仲有少量《蘋果》可以買到，但亦有部份報攤已經賣晒，所以如果作為Fans嘅你仲未買嘅話，就好快啲落街搶啦！