摩連奴被炒，蘇斯克查走馬上任成為曼聯今季嘅臨時領隊，隨即球隊換來一場大勝，唔少人都歸功於「蘇B」為球隊帶來一番新氣象，但事實又係咪真係全係佢嘅功勞呢？

據最新嘅消息指，現年76歲嘅費爵爺費格遜原來已經出山，正式成為曼聯嘅球隊顧問，有意為球隊重新帶來輝煌嘅成績。

作為球隊領隊嘅蘇斯克查則已經同費Sir約好，將會定期會面，呢一點係前任領隊摩連奴無做的。而費Sir出山，前曼聯球員兼前費Sir助教Mike Phelan亦會一同回歸。唔單只咁，傳奇門祳舒米高亦有意重返曼聯擔任球隊足球總監。

喺輸比利物浦1:3之後，曼聯決定解僱摩帥，並轉向搵費Sir求助，但費Sir強調自己唔會擔任全職工作，一切領隊職務都要交比「蘇B」同Phelan，佢自己好明顯就只係願意擔任幕後軍師。

蘇斯克查作為前曼聯球員，又曾經立左唔少汗馬功能，對球隊又熟悉，所以費Sir今次欽點佢絕對係信得過的。不過，當然「蘇B」仍有唔少不足之處，好似佢嘅執教生涯並唔風光，又與現時曼聯球員並不熟悉，但佢勝在肯搵費Sir請教，相信其執教能力一定會突飛猛進，各位「紅魔迷」拭目以待吧！