2018年已經完滿結束，各種的獎項揭曉，大家作為香港人，有無人唸過到底去年一整年裡你睇過最深刻的香港電影會係邊套！？我地自己人無論港產片面對再多的困難，本地製作電影有唔同的瑕疵相信大家都可以包容包容，力撐真正本地港產片，近排香港票房有限公司就公佈左「2018年最高票房的頭十部香港電影」，你估唔估到邊部電影作係最高票房最多人睇？包你估唔到.......答案居然係..........怪唔得咁多人投資想拍賀歲片

答案居然係..........我地香港人最愛的「黃子華」主演的『棟篤特工』排第一，票房勁收4千4百萬.........真爆大冷的數據.......子華神好波，我DLKH(戥你高興)呀....

.香港電影業繼續努力，我地會繼續支持你，無論你地點面對唔同的困難和機遇.........棟篤特工如果出第二集，你仲會唔會入場支持呢？！

等我報告一下頭十位的香港電影票房

1.棟篤特工

2.無雙

3.我的情敵女婿

4.L風暴

5.捉妖記2

6.逆流大叔 （推薦之作）

7.黃金兄弟

8.葉問外傳：張天志（唯一仲上映中）

9.西遊記：女兒國

10.紅海行動

其實總體數據顯示香港電影院2018年的票房是好左的，香港電影消費市道是稍為上升，中西票房總收入達港幣$1,957,285,394，與2017年同期的總收入港幣$1,854,055,424比較，上升5.57%。2018年首輪上映的電影整體數量為353部，香港電影佔53部，非香港電影佔300部

還望2019年

雖然真心講面對本地票房數字同中國內地一比就真係蚊肶同牛肶的超大對比，但我地香港人唔會就咁倒下，我相信2019年會係香港港產片重新上力的一年，我們的未來一定會愈來愈好，君不見好多係大陸努力多年的紅星紛紛回港出力嗎？！