能夠加入北美四大運動聯盟(籃球、棒球、美式足球及冰球)嘅球員，基本上都屬於世界頂級運動員之一，並且處於呢4項運動嘅頂峰，擁有絕對嘅統治性。呢班球員由於身體質素驚人，運動天賦出眾，因此當中不少選手可以同時於兩項，甚至三項嘅運動中突圍而出，佢地可以稱得上係怪物中嘅怪物。

而近日，一位稱為Kyler Murray嘅21歲天才運動員，就引發兩個聯盟嘅爭奪，甚至有機會載入北美四大運動嘅歷史當中。

Murray係一位擁有棒球及美式足球天賦嘅運動員，佢去年參加MLB嘅選秀，被奧克蘭運動家以首輪第4順位選中。不過，由於Murray仍然熱愛美式足球，因此佢喺有MLB新秀合約嘅情況下，仍然參加奧克拉荷馬大學嘅美式足球隊，並擔任球隊嘅正選四分衛，兼且奪得最高個人榮譽海斯曼獎。

由於Murray美式足球天賦令人垂延，因此唔少NFL球隊對佢非常有興趣，呢個情況令Murray心郁郁，是否執行MLB嘅合同仍然係未知之數，而如果最終Murray放棄MLB轉戰NFL，咁奧克蘭運動家就真係血本無歸了。

作為新秀，Murray獲得奧克蘭運動家提供嘅新秀合同為466萬美元，同時球隊亦深知Murray對美式足球嘅熱愛，所以批准佢參加大學嘅美式足球比賽，正因為咁Murray先被打動接受其合同。

如今Murray有傾向轉戰NFL，因此奧克蘭運動家有意用更大嘅訪意去留人，佢地可能會歷史性為佢開出一份大聯盟合同，價值可能達到年薪1500萬美元，呢個情況喺MLB絕對係非常罕見的。而更加罕見嘅係，Murray如果真係決定放棄MLB合同轉戰NFL，歷史上係從未試過的。

如果最終Murray仍然決定拋棄MLB轉戰NFL，佢將冒上非常大嘅風險，因為NFL方面未知會為佢提供怎樣嘅合同，而同時MLB嘅薪酬情況僅次於NBA，比NFL擁有更好嘅待遇。