與其等蘋果新耳機，其實論科技和創新當下應望望蘋果以外其他對手做緊咩野。剛於美國發表最新Galaxy S10 手機系列的Samsung，同步登場有其最新的真無線耳機Samsung Galaxy Buds，主打更輕更長電力更強無線更多色彩，3月8日就有得賣，如果你想買真無線耳機，其實都是一個不錯的熱門之選，尤其你不是蘋果的用家。

今次呢個全新的三星耳機，說驚喜其實又不算多，都是當今正路的設置，每邊單元具備有兩個麥克風（Adaptive Dual Microphone Technology），分別置於耳機內外；耳機自動偵測周遭環境噪音，從而決定採用哪個麥克風，確保用戶擁有良好的通話質素。而大家用過無線耳機都知道，通話體驗比聲音質素更重要，尤其在街上車上講唔到電話收唔清對方聽唔到的耳機係完全無意義。呢一點我對於新三星是有一定期待希望呢個雙麥克風堅有利通話。

今年新科技用落去耳機可能就是無線的充電，Samsung Galaxy Buds 真無線耳機配備無線充電盒，支援無線充電，可以將佢同耳機盒一起放在同系列s10手機後面就可以為其充電，但手機本身又要無線充電，無線充電器本身又要有線供電…好亂……..反正是新野又唔算好新…….新玩法….

新耳機比比從前自然更輕Samsung Galaxy Buds，體積為 17.5 (W) x 19.2 (D) x 22.3 (H) mm、重量每邊 5.6g、連盒 39.6g；比前作小 30%，機身更輕。而且更耐久更高電量，電池的續航力去到6小時，可以可連續 6 小時聽歌，或 5 小時通話。充電 15 分鐘，即可使用 1.7 小時。耳機內置 58mAh 充電池；耳機充電盒內置 252 mAh 充電池。呢d數據都是理想而絕對夠用。

Samsung Galaxy Buds 提供白、黃、黑，共 3 款機身顏色選擇。

而作為一部耳機聲音才是皇道，較為讓人放心的是Samsung Galaxy Buds宣稱佢地以著名耳機品牌AKG 協作調音，而AKG的調音技術和音色就算未必是最好，應該比三星的最大競爭對手好。售價﹕Galaxy Buds USD $130