作為一個Marvel電影迷，而家開始應該心情勁興奮，近排睇完龍珠，兩日之後3月6日就可以排隊訂票睇Marvel隊長，然後，下個月就有期待度爆燈的《復仇者聯盟4》，而且我地香港的朋友可能是全球最先睇到，最新已定出放映日期，係4月24日呀！！！比美國足足早左2日。美國的公映日期是4月26日，而中國內地的上映日期則未定，可能會有大量Marvel中國支持者湧入香港睇戲的情況，香港Marvel迷宜提早網上訂定戲飛！！

根據過去《復仇者聯盟3》經驗，第三集2018年4月27日美國公映，當時中國內地是5月11日公映，因為結束震撼涉及到好多超級英雄的死亡，所以電影的劇透在上映日期後可謂防不勝防。

因此早睇早著數，遲睇防劇透，大家只要互相廣傳千萬不要劇透，正所謂，『劇透死全家』，復仇者聯盟3之所以死咁多人，可能就是因為佢地成日透劇，結果咪死一大半要第四集去逆轉救亡，所以4月24日，千萬不要劇透最終結局。

《復仇者聯盟4》的劇情相信是魁隆彈指間毀滅宇宙一半的生物後，僅存的復仇者們必須重整旗鼓，背水一戰，為僅存的信念而戰。至於大家好關注的點樣救同是否有Marvel隊長出場………..就要等到4.24

而家大家可以趕緊訂住飛睇下Marvel隊長先………..下！你從來唔睇Marvel? 非常之好！！！