大家都可能是玩三國誌或三國無雙長大，對於日本式的假想歷史，大家都玩慣玩熟，甚至玩出一種情懷出來，因此當我見到日本大熱戰爭漫畫《戰國英雄》(又有人稱為王者天下)（日語：キングダム）拍成真人版電影之後，就有一種好想睇的衝動，睇完預告更深信—點只有日本人才可將將古戰國的人物造型，尤其是女人，拍到咁絕美，你睇下女主色長澤雅美打仗殺敵的美感同動作，唔好同我講中國歷史同正確服飾，話明架空歷史，睇女算吧啦！唔知點解睇完女中豪傑版的《戰國英雄》預告，我有一個大膽的想法………….

《戰國英雄》純粹長澤雅美的預告

4月19日日本就會上映最新的《戰國英雄》真人版電影，《戰國英雄》是以中國春秋戰國時代為背景，命途曲折的秦國太子政在年幼時偶然遇上熱血少年阿信，機緣巧合下結拜為好兄弟，二人即日後的秦始王和大將軍李信。故事講述主角李信一心以大將軍為目標，努力練武和學習兵法，在遇上立志要統一六國的贏政後，便誓死效忠為對方出生入死。其後李信跟隨被稱為秦國怪鳥的超強人物王騎出征，經過平息王弟成蟜的內亂、跟趙國三大天廉頗及李牧等人打仗，李信慢慢繼承了王騎的意志，向住大將軍之位進發！漫畫就好好睇，不過電影就先睇左畫面同長澤雅美揮刀殺敵先啦！

我地成日講話合拍片，原來《戰國英雄》嚴格來講都算係中日合拍電影，早前兩個小孩子的2016年的短片是在浙江橫店影視城所拍，這回真人電影也是在中國拍攝，當然要拍出大型戰爭片千軍萬馬的鏡頭，呢個世界再無其他地方像中國大陸咁大搵到咁多人。而且故事本身就係中國古代歷史，在中國拍攝是合情合理。

假如呢部作品能夠定日期係香港上映，我個人絕對有興趣入場！

呢套《戰國英雄》真人版電影由佐藤信介擔任監督，黒岩勉、佐藤信介及原作者原泰久負責劇本；演員方面，主角「李信」、秦王「嬴政」分別由山崎賢人同吉澤亮飾演，隱藏女性身分嘅山地住民「梟鳴」末裔「河了貂」會由橋本環奈飾演；秦國六大將軍最後一人「王騎」由大澤隆夫飾演；王騎軍嘅副官「騰」由要潤飾演；嬴政嘅心腹兼教師「昌文君」由高嶋政宏飾演；昌文君副官「壁」由満島真之介飾演；戴著恐怖面具嘅山之國大王「楊端和」由長澤正美飾演；贏政嘅弟弟「成蟜」則由本郷奏多飾演。