經過紐約的盛大首映禮，最強賺錢吸金電影《復仇者聯盟4》正式開始上映，香港觀眾明早6點就可以睇到第一場公映。第一波的劇透狂潮已經殺到。當然我地唔會容許大家睇到，只能夠告訴大家，片尾出字幕同工作人員名單就居然足足長達12分鐘。你能夠捱過12分鐘睇片尾字幕名單嗎？最後劇尾有幾多彩彈呢？唔話你知，等你睇完12分鐘字幕，建議你話返比我知你的第一個反應有幾感動！

首波不劇透影評出爐

對於片尾彩蛋，早前就有劇透人言之鑿鑿：有埋圖同完整故事劇透左幾個咁多的片尾彩蛋，但以美國首映場來睇又有所不同。咁即是說好有可能是，由於事前被人爆左料，於是Marvel即時變陣？？

不過請大家唔好相信，Marvel是非常奸猾，分分鐘明天正式公映版同首映唔一樣都唔奇

《復仇者聯盟4：終局之戰》片長係3小時1秒，而2小時48分56秒開始放映片尾字幕，而2小時53分17秒開始放映捲軸式工作人員字幕。足長12分鐘！

From:FB@紅磡人紅磡事

全球預售都破哂紀錄，係香港今朝早開始有人在本地戲院清泉，寶石戲院排隊買飛，因為寶石戲院只作一日前預售不設網上購票，所以今日起紅磡寶石戲院現難得一見的預售明日早場的人龍。

係最吸金的中國市場，預售已經破5億人民幣成為中國影史第一部預售票房超5億的電影！相關的商品更加係多不勝數，就以每個戲院都推出的爆谷餐同爆谷特選杯為例，每一個院線都特意為《復仇者聯盟4》推出特別商品，務求在呢個有今生無來世的機遇中大賺一筆。

嘉禾影院推出特別版爆谷餐送特別杯杯