老老實實Netflix 4月份就上左一套新的《輕鬆小熊與小薰》（即鬆弛熊）定格動畫，可能你話男人老狗睇咩野鬆弛熊，呢個睇法我某程度上存在，直到近日Netflix出左個鬆弛熊動畫的製作花絮，睇完感覺不得了，如此認真的創作，就算你唔睇鬆弛熊，我都推薦你睇鬆弛熊動畫製作花絮，呢13集的動畫，用左2年時間製作，非常花心機，平淡生活簡單事認真做，這才是應該推薦的人生態度，不管你是男或女。

 呢三分鐘製作花絮好抵睇！

日本人氣卡通人物輕鬆小熊(鬆弛熊)4月份就已經上架全新一季13集的定格動畫，一貫「Hea」的輕鬆小熊懶洋洋的可愛狀況，相信香港的朋友其實心領神會，非常熟悉鬆弛熊的生活態度，呢套野俘獲了唔少後生少女以及熟女的芳心。不過我最鐘意的還是睇製作花絮，了解到底係點樣拍出來。

如果你未接觸過鬆弛熊動畫，故事其實簡單得很，講述小薰（多部未華子飾）意外多了兩位新同居密友輕鬆小熊，和白色小熊。他們都是背上有一排拉鍊的小熊，外表就全日都是懶洋洋，卻超級可愛甚得女主角歡心，這班輕鬆小熊和小薰一起渡過精彩卻平淡的生活。

第一季的鬆弛熊動畫一共13集，每集大約12分鐘多，鬆弛熊其實除左hea行來行去，仲識喊、有時識减肥，甚至離家出走，Hea到盡頭還會出去打工，連外星人都有機會撞見。劇情瑣碎簡單，但生活感十足，是一部治癒型的動畫劇集。的確很適合女女同埋偷閒想工作之後Hea返十多分鐘的都市人觀看！！

不過你睇完三分鐘的製作花絮可能就會驚訝，原來咁難整，唔簡單，咁複雜2年先拍到13集，咁如果要上第二季咪又有排搞？

題外話，講起製作花絮，上次我地都介紹過《Game of Thrones》第二集的製作特輯，今日又有得睇第三集，時間過得好快，大家睇住睇完過兩日去搵埋套《Game of Thrones》第三集的製作特輯，有無人都同我一樣，勁鐘意睇製作特輯！？