日本地區各都道府縣往往喜歡用人氣的吉祥物推動當地觀光成為地區觀光大使宣傳，最為香港人熟悉的應該算是熊本縣的熊本熊。而最新日本岩手縣都搵左宣傳大使推廣岩手，就係以「Pokemon × 岩手縣」活動之名搵到寵物小精靈「小拳石（イシツブテ）」作旅遊大使，本來岩手縣同小拳石係100%Match絕佳配搭，可惜面對一個難題，小拳石係寵物小精靈入面係無腳的，但出來做大使點都要行要走，點算？！天才的岩手當局(認明全世界政府都用下體思考！)唸到加對灰白格仔腳透明左佢！！於是小拳石大使一登場就引發日本網民大騷動，連續成為日本熱話，網絡改圖同關注風暴一迅蔓延……小拳石係日本火速爆紅！！

岩手縣係日本第5個同寵物小精靈合作推動觀光的地區，有關方面非常「識揀」選中小拳石成為觀光大使，官方5月14日正式發佈呢個開心震撼消息，活動一登場，岩手的小拳石公仔裝馬上引發網民騷動...原因在「雙腳」上。係原作寵物小精靈當中，小拳石係進化至下一階段滾動石（即隆隆石）前，小拳石除左一對手外係無腳的岩石屬於地面屬性小精靈。

「岩手大使小拳石竟然長出雙腳」呢個消息同圖像即時引發大量改圖同笑料。係當地政府設計當中，只要將網上PS軟件改圖除背景的方法用灰白格仔加上去，雙腳不就馬上透明了嗎？！呢個天才的設計成功吸引大量網絡達人幫手關注，小拳石好成功用幾日時間紅遍日本。

而更搞笑的是日本達人改圖後的小拳石！！呢個唔知算唔算近期最成功的旅遊吉祥物呢？係咪有少少想去岩手縣玩下呢？

佢...有腳...ga...睇唔到睇唔到

小拳手下面係有人扮腳