{ SKIP }
文:MenClub 波特先生  圖:互聯網
POSTED ON 28 May 2019

NBA總決賽即將於香港時間5月31日展開,西岸代表依舊係連續5年毫無懸念嘅「宇宙勇」勇士,而東岸則有令人驚喜的速龍首次打入總決賽,係一個近年較為新穎嘅總決賽對碰,相信球迷們一定非常樂意見到。

View this post on Instagram

Your Eastern Conference Champions

A post shared by Toronto Raptors (@raptors) on

當然,更被睇好奪冠嘅絕對係勇士個邊,佢地喺缺少Kevin Durant及DeMarcus Cousins兩位主力下,仍然輕鬆橫掃拓荒者,實力絕對屬於歷史級別,速龍要想喺七場四勝嘅賽制下贏到佢地4場實在係極為困難。

不過,速龍今日能夠歷史性殺入總決賽其實一啲都唔容易,球隊一步一步走黎全靠願意突破。過去幾年,速龍喺Kyle Lowry及DeMar DeRozan嘅帶領下,即使常規賽表現出色,甚至壓倒LeBron James奪得東岸第一,但球隊喺季後賽仲係令人失望,因此被不少球迷稱佢地為「泡泡龍」。

面對咁樣嘅困境,球隊願意放手一搏,明知可能會換來球迷們嘅謾罵以及球員嘅不滿,但係仍然決定走交易呢一步,最終佢地成功獲得Kawhi Leonard呢位可能係屬於聯盟前五嘅球星。

Kawhi Leonard - 2014年總決賽MVP,係馬刺自GDP後嘅頭號球星。雖然Leonard攻防兩端都有統治級嘅表現,但係仍然有唔少球迷認為佢只係得益於馬刺嘅體系,如果離開馬刺佢可能什麼都不是。呢個說法其實都可以理解,因為馬刺喺NBA歷史最佳教練之一嘅Gregg Popovich下,球員們總係會獲得更好嘅發揮。

不過今次大家可能錯了,因為原來Leonard係一位被馬刺體系耽誤嘅超級球星,正因為馬刺主張團體籃球,所以Leonard真正嘅能力便被要與隊友們分享球權呢個諗法而被壓制。但當佢加盟速龍,一支真正以佢為核心嘅球隊後,Leonard便真正獲得解放。

加盟速龍後,Leonard喺攻防兩端仍然極為重要,但開火權卻與馬刺截然不同。Leonard今季常規賽平均出手18.8次,係其職業生涯新高,比馬刺時期最多嘅一季17.7次仍然多出1.1次。而雖然出手次數增多,但Leonard仍然保持其如機械人嘅穩定性,平均命中率達到49.6%,最終場均得分達到生涯新高26.6分。

進入季後賽,Leonard嘅重要性進一步提高,其場均出手次數增加至21.3次(歷史新高),而命中率卻竟然更高達到50.7%,場均得分提升至31.2分,最終帶領速龍歷史性殺入總決賽。

而唔單止Leonard,速龍喺季中再以交易獲得明星中鋒Marc Gasol,呢個交易亦提升了速龍隊嘅上限。小Gasol雖然好似無灰熊時期咁高嘅得分能力,但其策動進攻嘅能力卻幫助速龍不少,再加上佢擁有三分球能力,令速龍嘅進攻變得更立體,內線有更多空間比Leonard殺入去。

View this post on Instagram

Vets in the game

A post shared by Toronto Raptors (@raptors) on

當然而家點計速龍要打敗勇士奪得總冠軍嘅機會可能真係微乎其微,單憑一個Leonard真係唔係講咁易(雖然今季勇士無Zaza),但係正所謂「波係圓既」,再加上速龍有一個X-Factor,就係三年生Pascal Siakam。Siakam嘅打法就好似另一個Kawhi一樣,目前季後賽場均可以取得18.7分,係球隊嘅第二得分點,只要佢可以穩定輸出,咁球隊嘅得分就可以有所保證,不過其經驗不足始終係一個主要問題,現在只可以寄望Leonard能夠盡可能分享更多總冠軍經驗比佢。

而最後,速龍後備一定要生生性性,因為後備能夠喺Leonard下場時確保唔會陷入得分荒,咁樣速龍先有機會增加贏波嘅可能性,否則因為靠Leonard單天保至尊嘅話真係蛇都死。

由《教父》三部曲金像導演Francis Ford Coppola操刀,集結Adam Driver、Laurence Fishburne、Nathalie Emmanuel等著名演員嘅《Megalopolis(大都會)》上周五在北美正式上映,開畫三天卻僅收400萬美元票房,最終恐怕 ...
hobby
【影視】《教父》導演自資1.2億新作《大都會》票房仆直!開畫首周末僅收400萬美元
30 Sep 2024
影迷等咗好耐嘅Max(前稱HBO Max)終於要登陸香港啦,唔知收費如何呢?
hobby
【影視】華納串流平台「Max」宣布進軍亞洲市場 今年底登陸香港及台灣
30 Sep 2024