《銀魂》話完未完玩咗大家十9幾次，但作為粉絲當然寧願被玩被呃都唔希望《銀魂》真係完結啦，但估唔到嗰頭《銀魂》先喺「銀魂官方App」繼續連載，兼話會有完全新作動畫，呢頭又話6月17日會推出完結篇，係咪玩嘢先！

就喺5月27日嘅《銀魂公式App》上，官方就宣布將於6月17日當期刊登《銀魂》完結篇！雖然之前幾次話《銀魂》會完結都係「狼來了」冇次真，但每次宣佈都會令人心驚膽跳，希望官方會盡快解話話今次又係流料，《銀魂》會繼續連載啦！