酒呀！我話酒呀！刷個牙要用酒？最好用韓國燒酒啦！無錯，韓國其中一家最大的燒酒品牌韓國真露燒酒近期推出左限定燒酒牙膏，比大人們一早起身就用真露燒酒牙膏刷牙，讓你感覺濃濃酒意，當然呢款燒酒牙膏只含酒味無酒精在內。不過都係成人限定，只出售給19歲以上成人。一推出就馬上在網絡上成為大熱商品，邊個估到原本是愚人節玩笑的商品真係比韓國真露燒酒大廠量產出來賣。

最初真露燒酒在愚人節和LG旗下的牙膏品牌倍麗兒PERIOE合作，推出一款搞笑假商品「19禁燒酒牙膏」並成為愚人節熱話，估唔到的是這個愚人節玩笑真係比佢地實體化推出商品，燒酒牙膏日前已在網路商店上架，引起韓國網路一陣熱潮！

想試試用酒味牙膏的朋友就要唸唸計去韓國訂返個玩下，唔好唸住你自己自製燒酒刷牙呀！！實際上燒酒牙膏完全無酒精成份，只是以燒酒樽作為容器外型設計，其實按壓牙膏就好像用洗手泡泡，如果你唔飲開韓國燒酒唔認得個酒樽，可能你覺得只是洗手泡刷牙！！不過即使如此，這款產品在韓國也因為做得太神似加上確有酒的味道列為19禁成人商品！！

根據GS SHOP網上商品顯示，每支樽裝燒酒牙膏售價為7,900韓圜 (約港幣$52)，購買2支優惠價為12,900韓圜 (約港幣$85)，可以在GS SHOP限量買到。