同一招對聖鬥士係無用的，所以當我知道Netflix想重拍全新《聖鬥士星矢：黃道十二宮戰士》，我就知道，一定唔係個回事，聖鬥士已經由卡通片進化做3D動畫，感覺就見仁見智，不過初步睇算係非常細膩，天馬流星拳、鑽石星塵拳、盧山昇龍霸等招式一一以全新的視野再現，立體的雅典娜係唔係更值得保護，30年了！Netflix又再一次將過去的經典重新包裝，今次阿瞬唔再係長不大的細佬，反而變成真正無細佬的哥哥控妹妹，唔理啦，燃燒小宇宙吧，最多阿瞬你唔好爆衫，爆衫留給紫龍爆……7月19日，聖域之戰就要係Netflix打響

最終極預告出現，雅典娜的聖鬥士醒覺吧！《聖鬥士星矢：黃道十二宮戰士》由東映動畫製作，由曾參與《機動戰士高達 ZZ》（Mobile Suit Gundam ZZ）及《百變小櫻 Magic 咭》（Cardcaptor Sakura）等動畫的製作蘆野芳晴擔任導演，及曾參與《復仇者聯盟：正義出擊》（Avengers Assemble）及《終極蜘蛛俠》（Ultimate Spider-Man）等英雄動畫的 Eugene Son 擔任編劇。 如果跟返過去的脈絡，故事是囊括漫畫中「銀河戰爭篇」到「白銀聖鬥士篇」的內容，一路打到去黃金戰士12宮，教皇你收手吧啦………

配音方面，其實都跟足用返《聖鬥士星矢 冥界篇》的日本聲優配音陣容，包括聲演星矢的森田成一、聲演冰河的三浦祥朗及聲演城戶沙織（雅典娜）的折笠富美子等等，由於阿瞬的角色亦因應設定轉變，改由曾聲演《K-ON！輕音少女（田井中律）》（K-On!）、《請問您今天要來點兔子嗎？（宇治松千夜）》（Is the Order a Rabbit?）的佐藤聰美作配音。呢個熱血的3d動畫是否能再一次推動聖鬥士新熱潮，甚至再推高一層次的，個人認為關鍵之一係首主題曲夠唔夠熱血吸引，舊的聖鬥士主題曲堅利害音樂一起就已經熱血爆小宇宙，新曲由英國搖滾樂隊 The Struts ，演唱主題曲「天馬座星矢」，唔知可唔可以再一次爆Seed。

《聖鬥士星矢：黃道十二宮戰士》故事基於原著漫畫版的內容加以重製，講述星矢及一眾青銅聖鬥士，為保衛轉世重生的希臘女神雅典娜，而對抗與一心要摧毀人類的邪惡力量，到底有什麼挑戰正在等待著他們？如果你真係唔知劇情，看來你是一個新生代，少年你太年輕了，難道不知道聖鬥士的故事嗎？快去看一看

此經典動畫之作將於 7 月 19 日在 Netflix 獨家上映：netflix.com/saintseiya