「Uncle Drew」Kyrie Irving較早前已經聯同Kevin Durant一齊加盟籃網，雖然KD因傷黎緊一季應該都唔能夠上陣，但係佢地呢對組合仍然非常令人期待。

而成為焦點之一嘅Irving，加盟籃網後亦都無停止其場外工作，據最新嘅消息指，Nike將會與著名卡通人物海綿寶寶推出Crossover系列，當中涉及四款Kyrie 5及一款Kyrie 2，總共5個款式，以配合海綿寶寶當中嘅5個角色。

今次Kyrie系列Crossover海綿寶寶，涉及嘅角色包括主角海綿寶寶、派大星、蟹老闆、章魚哥及Sandy，而5款籃球鞋嘅配色都會配合以上5隻角色，當中最引人焦目嘅當然就係全黃色嘅海綿寶寶版本啦。

而留意番，5款當中蟹老闆將會以Kyrie 2鞋款登場，其餘則為Kyrie 5，而呢個系列預計會喺8月推出市面，唔知大家又會唔會爭搶呢？