夾擊可以話係籃球比賽中經常見到嘅針對性防守策略之一，而呢種策略多數會用喺一眾實力較強嘅球員身上，因為可以最大程度上限制佢嘅表現，所以被夾擊嘅球員一定程度上實力已經被對方肯定。不過，日前太陽球星Devin Booker與其他球員進行練習嘅時候，竟然抱怨被夾擊，並引黎不少回響。

從影片中可以睇到，Booker拿球轉身後，並兩名球員進行夾擊，並因此而失掉球權。其後Booker竟然表示：「兄弟，在這種場地就別夾擊吧，我整個賽季被這種方式對遇，我們好好比賽吧！」對於Booker嘅抱怨，作為對手嘅Joakim Noah直接回應：「這是比賽！」

而場外亦引來不少球圈中人回應Booker，其中「大將軍」Gilbert Arenas就表示：「如果你只係想做全明星，咁你被夾擊然後抱怨係可以的，但如果你想成為一名巨星，咁樣就要接受任何時候都應該要被夾擊，反而無被夾擊先覺得奇怪。」

對於夾擊相信Kobe Bryant絕對有話語權，正所謂三夾之內皆空檔，Kobe從來面對夾擊都係非常從容，就算面對對方出動三人夾擊亦都有辦法應對，而巨星就應該係咁樣。如果Booker真係想喺未來成為巨星，就算普通練習都應該要接受任何挑戰，而唔係抱怨。