一般耳機分為動鐵單元和動圈單元兩種，又或混合使用，但係呢個世界千變萬化，其實還有其他罕見的發聲方式，美國Audeze的平板發聲單元耳機就係一個特別的例子，Audeze LCD-i3係佢地最新推出的平板單元入耳式耳機，一睇個特別的樣就知道佢同一般耳機好唔同擁有別樹一幟的外表，最初平板單元係頭帶式大耳機的嘗試，後來Audeze發展出濃縮版本入耳耳機，Audeze LCD-i3係旗艦以下，取代早前廠方的iSine 10和iSine 20型號的更新款式，其實睇佢外表就已夠趣怪，聽埋佢特別的聲音寧靜、精準、高清再現的聲音，Audeze由外至內都好特別！

其實老實講我不太熟悉入耳式耳機的技術概念，唯一知道的是Audeze用的係平板單元技術採用左30mm 平板震膜耳機單元，LCD電視大家就熟，LCD耳機就真係好特別，當然呢個唔係咩野新野，已經出左好幾年啦！LCD耳機的特點可以令聲音聽起來更連貫寬廣，減少失真，耳機繼承了同廠旗艦型號LCD-i4型號的設計，外殼部分由鎂金屬製成，開放式結構將共震，干擾和噪音降至最低。從而優化音質。LCD-i3擁有兩種著名的Audeze技術，Uniforce音圈和Fluxor磁鐵系統，可以幫助驅動耳機平面單元高效再現聲音，具有高精度和低噪音特點。

Audeze LCD-i3另一個數據上特點係具有非常高的靈敏度，高達130dB，因此可以有效地用於任何傳統的流動信源裝置，如手機，平板電腦，筆記薄電腦或音樂播放器。反正超級易推，高靈敏度有助於將Audeze LCD-i3與Cipher Lightning和Cipher Bluetooth結合使用，可與任何設備配合使用或整合作無線耳機。

Audeze LCD-i3耳機內有配有多種唔同配件，如3.5mm電線，蘋果Lightning電線和Cipher藍芽電線，好多耳鉤和不同尺寸的耳墊。這款耳機配備30mm驅動單元，具有10Hz - 50kHz響應，20歐姆阻抗和最大功率500mW RMS。價格899美元，係屬於高階級別的耳機，反正一睇個樣就知道是特別野，與別不同！