太空對於唔少人可能都係遙不可及嘅地方，雖然可能聽過太空人會於太空進行對人類有幫助嘅科研，但始終距離好似都係好遠。不過黎緊有一個太空科研可能相對較近，因為adidas宣佈將會與國際太空站美國國家實驗室展開一個數年嘅合作，就旗下鞋款進行測試。

今次adidas與國際太空站美國國家實驗室合作，主要係希望可以互相幫助尋求突破，為運動員於地球或太空運動嘅時候可以帶來劃時代嘅新產品。

此次合作計劃，令adidas成為首個品牌於太空就波鞋進行研發，呢間運動品牌將結合NASA及國際太空站美國國家實驗室嘅高科技資源及技術，特別係adidas最為人所知嘅Boost技術，究竟於無重力狀態下可以研發出咩新產物。

而除左研發波鞋之外，其實adidas之前將足球設計帶上太空，利用無重力、無阻力嘅狀態研究足球可以如何突破發展，呢一切都將大大有別於在地球進行研究。