【R級傳奇？】永遠「流行樂之王」米高·積遜一生將搬上銀幕化作電影

原來米高·積遜已經不知不覺過身左十年咁耐，擁外媒《Deadline》獨家報導，上年憑《波希米亞狂想曲：搖滾傳說》（Bohemian Rhapsody）收獲全球超過九億美元票房奇蹟製片人Graham King將會開拍另一位樂壇傳奇音樂人流行樂天皇米高·積遜傳奇電影，如今已取得Michael Jackson人生故事的拍攝權，同時已被授權MJ的所有音樂作品，可於電影劇情需時使用，不過最受人關注嘅係電影改編取向將會完全忠於米高積遜的真實人生，唔會迴避或淡化任何極具爭議的事件，諸如爭論多年的戀童疑雲同黑人變白人的辛酸以至最終的死亡。如果真係拍哂出來，米高積遜傳奇的人生肯肯定係R級，唯一fact check左係米高積遜傳奇大電影全球期待度係核爆咁高。

難得米高積遜遺產管理公司（The Estate of Michael Jackson）願意對製片人Graham King作出授權。但凡同MJ有關的紀錄片都大熱成為話題，證明米高積遜一直以來都係世界樂迷的焦點係流行樂界的地位無可替代。今年年頭就有HBO 同英國第 4 頻道發行的MJ戀童爭議紀錄片《離開夢幻島》（Leaving Neverland）係辛丹斯電影節首映，之後多間海外電台都抵制播放米高積遜既音樂以作回應聲援受害者。事件被持續燃燒所以睇完米高積遜嘅電影真實記錄佢嘅人生， 戀童將會係導演需要妥善處理研究如何表達關鍵， 處理失當將會由米高積遜傳奇電影變成米高積遜批判大電影，要為電影從音樂和醜聞之間取得平衡將會係一大挑戰，但避無可避。 

Graham King上年的《波希米亞狂想曲：搖滾傳說》（Bohemian Rhapsody）大成功，不過也曾遭批評電影並無完整描繪Freddie Mercury的同性戀身份，最後因應市場考慮防止電影被列為 R 級，選擇性降低真實性。米高積遜的傳紀電影可能會無可避免觸及禁忌話題，隨時成為R級作品，不過呢部R級作的吸引力完全係核彈級別，唔知可否挑戰《小丑》的R級票房地位。

暫時已知道這部米高積遜傳紀電影已確定將交由曾編寫過《新鐵金剛：智破天凶城》（Skyfall）《帝國驕雄》（Gladiator）等片的金獎編劇約翰洛根（John Logan）創作劇本，John Logan與Graham King曾合作過《馬拉高》（Rango）《雨果的巴黎奇幻歷險》（Hugo）、以及改編自另一位傳奇人物侯活·曉治的傳紀作品《娛樂大亨》（The Aviator）。

不過目前電影未有任何一間電影制片廠或發行公司負責肯認頭，上映檔期亦未明。但噱頭已經打響，未來值得人期待。