機會嚟喇飛雲！如果你未睇過《魔神英雄傳》呢套陪伴小男孩成長的超級大作，又或者你好想重溫經典的動畫，係機會啦，日本Sunrise 與Bandai Namco為左宣傳全新的2020年全新版《魔神英雄傳 七魂の龍神丸》動畫，而家開始會係BANDAI SPIRITS 官方 YouTube 頻道免費上載當年的經典動畫《魔神英雄傳》以及續作《魔神英雄傳 2》、《超魔神英雄傳》等等，讓大家免費重溫，而且只要在youtube選擇字幕功能即可顯示中文字幕。正爆推薦

送上經典一代的《魔神英雄傳》第一集

第二集

BANDAI SPIRITS 官方 YouTube據稱將會於全新《魔神英雄傳 七魂の龍神丸》公映前釋出過去的《魔神英雄傳》以及續作《魔神英雄傳 2》、《超魔神英雄傳》所有集數，而家正以每週局部開放的形式上載一代《魔神英雄傳》，暫時已見頭兩集已經上載，以半小時一集最適合午飯小休(實際上咪一路返工一路Hea睇！)觀賞。

《魔神英雄傳係 1988 年於日本首播，而香港則是在 1990 年開始無線首播，動畫的經典對白：「機會嚟喇飛雲！」更加是所有香港人的集體回憶。大家耳熟能詳的主角「戰部飛雲」與龍神丸的招牌武器「登龍劍」，還有「師傅」「河馬」成日都要搵電話亭打電話呼喚「戰神丸」魔神，實在諗起都讓人會心微笑。

2020年全新《魔神英雄傳 七魂の龍神丸》

睇2020年全新《魔神英雄傳 七魂の龍神丸》前，不妨複習一下經典舊作，重新再睇都依然咁好睇的創界山之旅。