問責制係商業社會進步與成功嘅關鍵，一間成功嘅企業面對挑戰就係要背負責任， Netflix嘅國際原創總監Erika North近日有傳因為旗下華語原創電視劇《罪夢者》收視不佳評價兩極而問責離開？相對而言香港官僚體制病入膏肓都係零問責，輸到瞓喺度都有額外資金養曬一班落選嘅員工，頭痛按腳腳痛美顏，未來就當然是被人取代。

Netflix 11月起面對迪士尼plus打響的串流影業大戰，強敵當前配受壓力，而其第一波的作戰方式係係亞洲重金啟動亞洲華語原創劇集，係亞太區打造符合亞洲文化的原創劇作，以Erika North為首的國際原創總監打算推廣3部華語原創劇作《罪夢者》《極道千金》《彼岸之嫁》及首部泰國原創影集《絕境島》。不過第一波出擊的華語劇集《罪夢者》就受到小小挫折，10月底開播後不單未有引起熱潮， 而且作品評價兩極，因此，一手促成開發製作的Netflix國際原創總監Erika North有傳因此問責下台，不過根據消息Erika North的離開只是剛好完成工作並向其他「機會」發展一下咁話。

《罪夢者》係Netflix首次係台灣投資的原創劇作，集合賈靜雯、張孝全、王柏傑、范曉萱等台灣明星陣容，原本Netflix對此作寄予厚望，《罪夢者》原名《擺渡身》，原創故事及劇本由陳昱俐、詹俊傑、郭柏伸合作，原導演柯汶利因私人因素無法拍攝，於是Netflix另找導演陳映蓉接手，重新改寫劇本，陳映蓉同時身兼導演、編劇、剪接。實際上作品富有電影感，一改Netflix影集原來節奏明快的敘事方式、專人剪接等公式化商業操作模式，無論是拍攝、美術、編劇、剪接都由導演主導，強烈呈現導演個人風格，似拍藝術電影多過一般電視劇，結果反而因為太過個人化，很多觀眾覺得故事霧裡看花，完全睇唔明白，成果效益未達預期，觀眾反應兩極。雖然有人認為實際上是「神片」佳作，但更多人因為睇唔明而放棄。咁當然有違Netflix的目標同戰略。

剛巧負責Netflix亞太區域和製作公司及獨立人員合作開發內容的Erika North，率先離開崗位。之前Erika North曾經係HBO Asia監製過《通靈少女》。今年她一手催成Netflix華語投資《罪夢者》《極道千金》《彼岸之嫁》3部大作品。而第二波重點推薦《極道千金》即將上架，官方就係今日發出聲明確認其離開，不過就保證亞洲原創的方向不變，唔會讓大家失去睇華語或其他亞洲原創劇的機會。

Netflix今日發出聲明表示

"Erika North目前已確認離開Netflix，她無庸置疑是Netflix三部華語原創影集《罪夢者》、《極道千金》、《彼岸之嫁》及首部泰國原創影集《絕境島》的重要功臣，Netflix 也希望她持續在這產業發光發熱。

但 Erika North 的離開並不會停止 Netflix 開發亞洲原創內容決心，我們也很高興在此宣布，Myleeta Aga 在12月正式加入Netflix 擔任東南亞及澳洲內容總監，一同與團隊們將更好的內容帶給Netflix全球的會員們。

Myleeta Aga在2009年加入BBC，擔任印度和東南亞的資深副總裁和總經理的職位。"

其實Netflix的華語劇都無咩大問題，第一部可能太重電影化同口味唔夠大眾，話係失敗又太苛刻，其他創作尤其係動畫的層面都相當似樣，剛剛有「動畫界奧斯卡」之稱的第47屆安妮獎提名名單揭曉，Netflix動畫《克勞斯：聖誕節的秘密》獲得7項提名緊隨迪士尼《魔雪奇緣2》的8項提名。其實算做得好好啦！反正商業社會聚散分離乃恆常生態， 只係今次比人感覺問責來得咁快，又真係令人意想不到， 如果香港社會都可以有咁果斷嘅問責制就好啦。