打得FIFA多你會唔會都想玩下其他足球Game呢？不如黎緊就試下於今年即將推出嘅《足球小將》新作《Captain Tsubasa：Rise of New Champions》(真係唔想譯做隊長小翼...)，咁大家就可以過下絕招癮啦！

《足球小將》手機Game近期都繼續風行全球，但原來喺家用機出Game已經係接近10年前嘅事，所以作為Fans嘅你一定非常期待。

今次呢隻新作，相信畫面同遊戲流暢度應該會比過往嘅作品都有大幅度嘅提升，而一眾絕招好似衝力射球、猛虎射球、獵鷹射球、雙人射球等等都會配上精彩動畫，甚至直角假身、剃刀傳球等較為唔起眼嘅招數玩家都可以使出。

不過暫時遊戲嘅發售日期就仲未定，有興趣嘅玩家就要留意住啦！