第10位：G-Self （高達G之復國運動）

目前都仲播緊嘅最新作。喺設定上的G-self係來自宇宙的謎之機體，有別歷代高達，用上「光子裝甲」打造。能夠透過更換背包換裝。好老實講文青就好耐冇睇高達動畫啦……所以究竟佢係咪真係咁勁，就要等有冇睇過嘅Gentlemen黎解答下。

第9位：突擊自由高達 (機動戰士GUNDAM SEED DESTINY)

基拉大神喺《Seed D》時嘅用機，同時為其從真．飛鳥手上重奪中角之位的最佳印證。用上「Hyper Duetrion」動力機關，所以擁有近乎無限動力，再加上過份嘅「龍騎兵系統」，令基拉大和奪得「C.E.史上最強」的評價(當然，基拉大神本身都已經係過Q份架啦!)

第8位：高達00 Qan[T] (機動戰士GUNDAM00)

在劇場版《機動戰士GUNDAM00 -A wakening of the Trailblazer》中登場的剎那專用機。搭配「量子系統」，可以啟動比「Trans-AM」更強的「量子爆發」，甚至可以進行空間跳躍。

第7位：獨角獸 (機動戰士GUNDAM UC)

重回UC曆的近代作。專為新人類設計，可以啟動「NT-D」系統，能機體達到「瞬間移動」的速度。在故事後半更加因為種種原因而啟動「綠光NT-D」(正常時為紅光)，不單可以奪取人家的感應兵器、對其他新人類造成精神衝擊、甚至可以控制本身沒推進器的盾牌作防禦、攻擊。

第6位：高達AGE-FX (機動戰士GUNDAM AGE)

縱然套嘢本身評價甚差，但呢隻AGE系統的究極體仍然能夠入榜，某程度上可能反映咗日本網民嘅理性務實。擁有明明叫「炮」但係用黎斬人嘅「C感應炮」，加上爆發性的「FX Burst Mode」，入圍係合理嘅事？

第5位：V2 (機動戰士V GUNDAM)

在UC曆中最後登場的機款(獨角獸是UC96年，但高達V是在UC153年)。V2則是主角胡索·艾賓在後期的座機，最著名當然是擁有「光之翼」，亦可以搭配「Assault-Buster」成為高火力模式。

第4位：零式高達W (新機動戰記GUNDAM W)

呢部大家都好熟啦，唔多作介紹啦。淨係碌可以特爆殖民星嘅高出力步槍都夠威猛啦！仲有個「零式系統」呢？

第3位：魔鬼高達　（機動武鬥傳G 高達)

唔係「God多Finger」，唔係東方不敗，而係最終Boss惡魔高達。擁有「自我再生」、「自我增殖」、「自我進化」三大機能。

第2位：高達Turn A (∀GUNDAM)

樣衰還樣衰，可以重塑地球的「月光碟」，再加胸前粒核彈。「大鬍子高達」絕對係史上最強！如果唔計接住落黎嘅第一名……

第1位：高達Turn X (∀GUNDAM)

原著中由「外宇宙文明」所製造的機體。與Turn A 一樣有「月光碟」，加上「閃光掌」、肢體分離以及大量武裝，戰鬥力比Turn A更高，所以被選為第一！