優質中古經典音響器材係音響界係歷久不衰，當中音響發燒老人肯定識Marantz 7 以及 Leak Stereo 20等經典名器。從前有一間英國音響公司叫做Leak.1934年由Harold Joseph創立，一路風行英國係50、60年代炙手可熱，可惜面對70年代日本品牌的飛躍和挑戰， Leak係1989年執左笠！執笠40年後今日忽然被人復活重新推出全新復古音響產品？無錯呢種被復活被重新包裝都係來自中國，不過佢依然係當年的名字同品牌Leak，回歸啦，要感謝中國大型音響集團IAG，推出又平又靚復古玩味的全新Leak Stereo 130合併機，英式本身已死，如今強力回歸，復古原來係咁樣。

Harold Leak創立個日計起已經86年，佢老人家一出已經仙遊，佢出售旗下公司都已經51年，邊個估到今時今日晶體管音響(石機)已經佔據主導地位。當年膽機已經成為小眾發燒友的標致，今年擁有Leak品牌的音響集團決定將品牌重生，以復古風格重出新產品，第一件產品係1963年當年Harold Leak第一個石機設計的Stereo 30 合併機，重新設計生產的新產品叫Leak Stereo 130合併機，轉用A/B類功率設計，再加入全新解碼同MM唱頭放大連耳機放大，外型跟足經典Leak。功能完善適合新世代用家，如果以機能同定價計，中國人最鐘意用「賣大包」來形容，因為佢定價都不過一萬港幣，只需799英鎊。

產品分為復古木廂版以及新型鋁廂版本，一般以音響理解用木廂聲音係會較溫暖醇厚。此外，除左合併機，Leak仲推出風格近似的CD播放機，可以配搭成一套，放係家中係相當之復古，如果你有讀過歷史，愛好當年的英國音響，知道Leak當年係英國的強大和吸引力，唔知你會點睇全新復活的新Leak。唔好以為執左就一了百年，輾轉間已出售的品牌係會被人重新發揚光大， 因為一個好嘅產品同品牌係永垂不撓千古不絕，Leak就成功做到。