4K影像成日都話已經普及，但普通人可能都未正式睇過，不過8K已經唔係傳說，日本天龍Denon今年的全新系列影音AV擴音機已經全面支援8K，只要你有8K電視同8K播放訊源，即例如本身會搞但搞唔到的東京奧運直播。X系列最新四個機型最入門的型號都支援8K，為未來做好準備奧運遲早都會來臨。

AVR-X6700H

日本Denon最近喺網上公佈咗2020年即將推出嘅四款新型號擴音機，最大特點係全球第一批全面支援8K 影像的擴音機，全新 4 款新型號擴音機，包括︰AVR-X6700H、AVR-X4700H、AVR-X3700H 及 AVR-X2700H。最高級別的AVR-X6700H 提供 11 聲道擴音輸出，如果經pre-amp 輸出去左右聲道後甚至可組成最多 13.2 聲道。主要特色係為未來玩8K做好準備，已提供支援 8K/60p 視訊 HDMI 2.1接駁端子，提供8輸入三輸出HDMI。聲效上依然全面支援包括Dolby Atmos、DTS:X同時支援 Auro 3D、IMAX Enhanced、DTS︰X Pro 等多種音效規格。預計6月份就會推出市場發售。

一如過去，四個型號由低至高主要係聲道支援數量同輸出功率的規格唔同，當然內裡用料都會因為相關不同而有所改變，總之Denon AVR-X6700H 11聲道輸出為最高型號規格 ，Denon AVR-X4700H則為9聲道擴音輸出每聲道輸出功率略細只有 125 watts，規格上不同為X4700H 或以下不支援 DTS︰X Pro 技術。仲有另外兩款入門型號  AVR-X3700H 和 AVR-X2700H，將會遲少少上市，分別7月同8月份推出。

如果大家想換新機享受家庭影院嘅樂趣，Denon的聲底強勁澎湃係好多影音迷的心頭好，如果仲想將來玩埋8K影訊，就要考慮下呢幾款全新天龍合併式AV擴音機啦！四款全新X系列天龍擴音機定價依旗艦到最平入門定價分別為 AVR-X6700H美金$2499 AVR-X4700H$1699  ，而7,8月份推出的入門級X3700H 價格為 $1,199 美元 ，而 X2700H 價格為 $849 美元 (折合約港元 $6,622) 。