日本男神山下智久出演Hulu及HBO Asia劇集《The Head》，作為劇組唯一亞洲演員，劇組都擔心佢會唔適應，於是搵咗同劇嘅蘇格蘭女演員Katherine O'Donnelly同佢黎個一日約會，結果佢哋話好夾喎！咁你估佢兩個有冇機會？

《The Head》中文譯名為《極夜闇殺》，故事為一班來自世界各地嘅科學家，被困於長夜中嘅南極國際研究站，而山下智久於劇中飾演微生身學家Aki，劇中情人正是Katherine，所以先會有一日約會嘅安排等佢哋熟絡啲。山下智久就話同Katherine非常夾，仲話觀眾「會從螢幕上感受到我們之間的關係。」搞到啲人係咁估佢哋係咪會戲假情真喎。

至於Katherine就曾經演出2018年電影《Mary Queen of Scots (雙后傳)》，亦有演出BBC劇集《Clique》，但就未見爆紅，IG上亦只有唔夠3000個Followers。順帶一提，6月4日時Katherine喺Twitter分享咗山下智久接受訪問嘅相，就話好榮幸能夠同呢個美妙嘅朋友合作——對，「朋友」！