法國雕像公司ONIRI宣佈推出《鋼之鍊金術師》嘅萊．馬斯坦上校1/6雕像。

其實呢，早前ONIRI都出過愛德華嘅1/6雕像，但由於賣哂要排Waiting List就唔多介紹，轉過黎介紹呢隻我寫文之時都仲係有貨嘅馬斯坦上校。呢個雕像取材於原作中，人造人「Envy」變成由佢殺死、上校好友休斯中校後，上校狂怒放火燒死Envy的一幕。配有「嬲」同「冇咁嬲」兩個可換表情，亦可以透過更換手部零件，換成對上「Lust」時手背畫上鍊成陣、手持打火機嘅狀態。另外無論製服、磚塊以及圍繞上校嘅半透明火焰完成度都十分高，細心留意，更會見到上校腳邊有現出原形，準備自行拔出賢者之石自殺嘅Envy。

雕像大小為38cm x 40 cm x 36cm，限量750隻，售價為499.17歐元。

圖片來源：Oniri Creations