《魔神英雄傳 - 七魂之龍神丸》近期仍在網上熱播當中，相信今次全新動畫成功勾起唔少人的回憶，而本月17號動畫更加入香港尖沙咀，為各位Fans帶來限定動畫主題展覽 - 「七魂龍神丸之夏日歷險」，作為Fans點可以唔去。

《魔神英雄傳 - 七魂之龍神丸》4大魔神龍蒼丸、龍戰丸、龍王丸及龍神丸將會同時現身登場，場內更有主題展覽展出超過 20 件《魔神英雄傳》及熱播中嘅《魔神英雄傳 七魂之龍神丸》嘅珍藏作品及動畫原畫設定圖，睇怕都真係要去打下卡。另外，當然仲有唔少得嘅動畫限定商品及Figure啦。

知道你好想去架啦，但近期香港疫情又好嚴重，真係建議Stay Home，盡量唔好出街最安全。而以上活動將至到9月6日，所以大家可以睇定啲先再決定去唔去，千祈唔好心急，命仔緊要呀。

「LCX x《魔神英雄傳》七魂龍神丸之夏日歷險」活動詳情：

日期： 2020 年 7 月 17 日至 9 月 6 日

地點： 尖沙咀海港城海運大廈三階 LCX（LCX 正門、顧客服務部及 Xplus 對出位置）

入場費用： 免費