【Marvel新世代】 X-Men 外傳電影《新異變人》終於搶閘登場 

估唔到2020年最新推出嘅迪士尼Marvel作品原來係《變種特攻》 (X-Men) 系列的外傳電影《新異變人》 (The New Mutants) ，雖然電影原先應該2018年就上映，但幾經修改而家居然成為2020年最先登場大作，作品改動後美國試映大穫好評，挾全新暗黑驚慄片之勢即將霸氣登場！不過今次同過去唔同，新代變種人被隔離，大玩另類密室脫逃，似係鬼屋逃脫的超能力精神病院版。呢5位年輕新(X-Men) 日後會唔會成功推進新世代《變種特攻》？我就對呢部大作相當期待 

今部作品肯定同過去大家睇的《變種特攻》 (X-Men)不盡相同，呢次5個年輕新變種人因內在強大的異能被隔離、被監控，為了生存應該乖乖就範還是逃出一片天？呢五位年輕人都非泛泛之輩，有《思．裂》女主角安雅泰萊采兒 、《權力遊戲》 飾演狼家細妹Arya的美絲威廉斯 、《怪奇物語》的查理希頓、《始祖家族》 的普莉亨特 (Blu Hunt)及《漢娜的遺言》(13 Reasons Why) 靚仔巴西男星亨利撒嘉主演，為觀眾帶來完全獨立於《變種特攻》的暗黑新世界！電影同現實一樣， 遲早都改朝換代交畀年輕人，個啲「35+」的老一代都係時候睇睇新世代的接棒力。

《新異變人》的驚喜點止在於創新題材，5位新生代變種人即將聯同導演祖舒保爾於香港時間7月24日早上5時的聖地牙哥國際動漫展(Comic-Con International: San Diego)進行網上直播，合體分享《新異變人》的另類宇宙！睇唔睇直播就係你個人選擇，反正而家網絡唔駛錢得閒可以睇！ 《新異變人》暫定8月28日美國上映，香港就可能因應情況，我當然想馬上睇啦！

 電影簡介：

Marvel美國漫畫同名系列改編，帶你進入《變種特攻》前所未見暗黑世界——壓抑在體內的強大異能，究竟是天賦優勢還是無情咀咒？五名年青變種人各有不尋常的黑暗背景，身懷不一樣的奇特異能，竟一同被困在仿如鬼屋的秘密醫院內接受嚴密監測，恐怖怪事卻接連發生，慘遭嚇人回憶與驚心幻覺侵襲，當生命受到威脅，他們想合力逃出生天，彼此的友誼與異能即受到最嚴峻的考驗！一眾新世代變種人，將以全新暗黑驚慄風格登場！《新異變人》即將獻映。