瑞典耳機品牌Defunc係香港市場出現，估唔到居然打平價戰，幾舊水的全新真無線耳機Defunc TRUE GAMING平實得來相當好用，個人試玩總結就有3大特別1.聲音好環繞就算無開佢模擬360度環繞音效功能都比一般耳機環繞，睇片聽歌感覺好有趣。2.電話通話對話能力好強，街上帶住口罩甚至豬咀居然都講到電話清晰交流！3.配載相當舒適，戴足一日感覺忘記自己用左耳機。至於其他廠方宣稱的特點例如特低訊號延遲、環境降噪、特長續航，我就覺得碎料姐，如今新機好應該具備，問題只是幾百銀有齊又幾抵玩。

瑞典⽿機品牌Defunc 當然唔係真無線耳機市場的初哥，之前有推出都熱過一排的TRUE GO 耳機，之後今年又再來港，推出兩個型號分別係針對通話質素⽽改良的加強版型號TRUE PLUS，以及號稱專為劇迷機迷⽽設的TRUE GAMING，而我適逢有機會實試玩到一星期的TRUE GAMING耳機，據說其實TRUE GAMING耳機比TRUE PLUS有更強的低訊號延遲，價格也貴少少。單就TRUE GAMING而言，本身都相當平價，唔講價都只是$899。

TRUE GAMING號稱專為機迷而設，可惜我唔多打機，簡簡單單開左隻好耐無玩的食雞開局玩左五分鐘就停Game，的確聲音無斷續好順，但我又唔覺得有咩特別，聲音就確係幾環繞，當然我停Game因為自己都覺得好Out隻Game。反正如果你喜愛用電話打機，呢隻耳機有「加成」。反而我日常較多睇片，無論睇Netflix定Youtube，個人覺得聲音感覺好正，有種好立體同好環繞的感覺，係同其他我擁有的耳機唔同。耳機特設環繞聲模式（Surround Mode），於右耳機點擊三下，便可開關模式。但試用後只需覺小小分別，開不開關系不大！唔開Surround Mode都比別人Surround！講真我甚至試玩期間，特別Join左試用youtube premium，出街搭車時可以背景播放Youtube聽清談節目痛擊五毛。呢點是有感覺覺得耳機好用好聲！至於音樂上就低音較重，不過低音強大得來並無完全變暗遮蓋中音，呢個點還可以接受，但如果你追求音樂均衡型聲音，呢個耳機只是中上。

對話才是這個耳機重點，廠方話耳機能做到清晰通話無視環境雜⾳，我唔理佢點宣傳但實際應上比起我現有試過多數真無線耳機對話能力都要強，直接講這是我認為最能追到甚至超越Airpods通話能力的耳機，我的認知係大家凡見到長長柄伸出嚟嘅真無線耳機就知道佢通話能力有返咁上下。廠方指出TRUE PLUS在通話功能上再下了⼯夫，採⽤雙⿆克⾵來進⾏環境降噪，可以消減來⾃四周的噪⾳，重新調整了⿆克⾵的位置在棒形機⾝的底部，更貼近⽤家⾯部，⽽30度可轉動⽿膠亦有助調整⿆克⾵⾄最近接⼝部的⾓度，收錄⼈聲⾃然更加清晰，在任何環境都可以輕鬆通話。實試為真，確有其事。

TRUE PLUS以輕巧的塑膠物料及觸感柔軟舒適的矽膠製作。實際又確是輕軟戴上覺得無感覺，舒適度是個人認為驚喜。甚至輕跑踩板從未跌過，過去用某運動為名的耳機就多次鬆跌。可能得益於近⽿殼位置有凸出的⼩鰭幫助扣緊⽿朵以及其噴嘴形的⽿膠設計。不過呢個耳機個人認為唯一缺點係耳機感覺式觸控太敏感，一掂到就按到制，有少少唔慣！

至於廠方話TRUE PLUS的12mm動圈單元特別針對⼈聲部分調⾳，老老實實聲音質素不錯但不能期望是hifi型耳機，因為佢迴音較強聲音開闊，即你睇片覺得好有環繞感，感覺幾有趣，所以人聲或清談或睇戲係有Feel，甚至老實講用來播AV相當之有趣的感受。但聽音樂就唔係追求音質個種取向。但買幾舊水想追求HIFI的都係回家FIHI較實際。

至於其他野包括True Gaming最大廠方宣傳賣點低延遲值，我又唔覺得有咩特別，的確又係無咩點斷聲斷線同連接速度特快，但作為新耳機這些不是好基本應有嗎？另外話耳機可以連用35個小時，老老實實2020年啦，如果新出耳機用得幾小時無電或唔支援藍芽5.0，無基本防水認證IPX4或以上扔左咗佢攞去填海啦！這些唔會係需要提的優點！總之，呢個耳機幾抵買，就係咁簡單！