下個月頭就係盂蘭節，亦即日本傳統祭祀祖先嘅節日「盂蘭盆節」，理論上大家都要回鄉拜山，但由於疫情嘅影響，無論係家鄉疫情嚴重，定只係為咗避免人群聚集、避免傳染居住在老家嘅父母，明顯大家都對回鄉拜山有所顧忌，於是「代客拜山」就成為一個受歡迎嘅服務啦！

圖片：ご緣道

「代客拜山」喺日本就唔係啲咩新發明，早年已經有商家提供VR拜山之類嘅服務，不過當時服務對象主要係因為工作繁忙或者健康問題不能回鄉嘅客人。今年因為疫情就令服務需求急升，據愛知縣嘅代客拜山公司「ご緣道」代表淺野貴大接受日本電視節目訪問時指，今次受到嘅訂單係往年嘅兩倍。

而據佢個網站展示，最基本嘅代客拜山服務，包括為墓地除草、上香、獻花、水洗墓碑等，價錢係8000Yen，即係HK$585左右。如果想更徹底清洗墓碑、補色、15分鐘視像通話等，都要另外加錢。撇除孝道心意，委託代客拜山服務既能保障健康，甚至慳返回鄉嘅時間同金錢，大家又會唔會選用呢？