韓國梁宇皙導演對於政治時局同國際關系的描述係全世界最出色又最大膽的，就算美國荷里活都拍唔出《鋼鐵雨》呢類全面牽涉中美南北韓日本五個國家嘅世界級戰略危機。全新《鋼鐵雨2 ： 核戰危機》即將上畫，但其實呢套係獨立電影同第一集無關，今次玩得更大韓國總統、北韓領導人 及美國總統破天荒舉行高峰會，期間遇到大政變三個領導人一齊被綁架入北韓潛艇中，呢種奇情同超複雜政治軍事國際棋局佈置，唯有韓國《逆權大狀》大導演梁宇晢拍得出。 今時今日東亞局勢風雲色變， 世界大戰一觸即發，呢套《鋼鐵雨2 ： 核戰危機》真係好癲，邊個話講政治無市場！

特別值得講一講嘅係韓國導演梁宇皙，大家最熟悉佢的作品應該係《逆權大狀》，此人絕對係個奇才，佢係導演同時亦係漫畫，所有電影自編自導，畢業於韓國高麗大學的英語文學與哲學系，對韓國政治與歷史文化的研究深入獨到，所以作品有一般娛樂圈缺乏的政治觀同國際關系觀。《逆權大狀》之後 2017年佢拍出另一部精彩大作《鋼鐵雨》，作品改編自佢本人創作的人氣同名漫畫。《鋼鐵雨》對南北韓核彈危機有精闢見解，以北韓政變，牽一髮動全身，捲入南韓、美國、中國、日本五國局勢為背景，係難得論及複雜的國際局勢政治關係，但又精彩絕倫偉大作品，有興趣嘅朋友可以喺Netflix度睇返呢套電影！因此我深度推薦最新即將係香港上映的《鋼鐵雨2 ： 核戰危機》，據知兩部作品無直接關系所以可以單獨觀看。

韓國電影《鋼鐵雨2 ： 核戰危機》描述美國與北韓檯面上就無核化進行和平協議談判，美國總統同北韓領導人係北韓元山飯店會面，南韓總統參與居中協調，促成三大國元首出席的高峰會談，然而檯面下美日暗渡的「影武者計畫」，卻暗中預計趁不久後例行的美日軍事演習將南韓拉入，企圖一舉扭轉美、日、朝鮮半島與中國的權力平衡，強化美日聯盟並弱化中國。而呢個時候北韓護衛局總局長，反對北韓領導人採取無核化，係高峰會期間發動政變，綁架三大國家元首搵佢哋入去一艘核子潛艇中做人質，期望藉核子武力鞏固中國與北韓關係勢力，戰爭一觸即發......欲知後事如何就要進入戲院觀賞，單就上面的劇情開局，你認為全世界有其他地方拍得出咁龐大格局嘅電影嗎？

值得一提既係呢部電影係一定冇可能喺中國上映，南北韓美國領導人同時被綁架，你估邊個背後搞鬼？中國無可能承認同接受當中的暗黑政治描摹，而呢套戲韓國一開畫就勇奪開畫票房No.1，如果你係熱血男兒，你一定會鍾意睇梁宇皙導演神作，真心推薦！