比起香港，台灣嘅桌遊風氣濃厚得多，亦有唔少台灣團隊研發各式各樣主題、玩法嘅桌遊，而且大受歡迎。好似由「ESC臺灣境外戰略溝通工作小組」設計嘅《逆統戰：致地與海的革命者》咁，於台灣眾籌平台「嘖嘖」上推出極短時間，就完成10萬台幣眾籌目標，一日之後更加「超額認購」超過20倍！

所謂「統戰」，係某政黨術語，意指「聯合次要敵人，打擊主要敵人」；而「逆統戰」顧名思義就係將「統戰」呢件事，用返喺某政黨身上。遊戲中可玩家可以扮演香港、蒙古、藏國、哈薩克、維吾爾、滿洲、臺灣和華夏反賊等勢力，每個勢力都有各自嘅特色及優缺點，透過情報攻防或戰事、經歷如貿易戰等重大事件，逐步掌握資源、人力等，最後「起義」推翻政權……嗯，其實隻桌遊背後仲有好多主題，但我就講到呢到啦，我哋睇下啲勢力人設圖先啦。

如果你都想贊助一下，得到一份《逆統戰》作回報，最平嘅贊助金額係1991台幣，即係HK$525左右，另加運費。預計2021年1月就寄出架啦。