Netflix原創英國《王冠》劇集開展左三季，一直大穫好評，但去到最新公佈上映日期的第四季不得不推薦，因為故事來到70年代尾到80年代初，日不落國的晚霞映照香港前途問題，戴安娜王妃出場，再加上「鐵娘子」戴卓爾夫人和英女皇的矛盾角力，香港正正是此時被命定，當然戴卓爾夫人作為英國當政期最長的首相，與英女皇以及皇室的恩怨情仇肯定相當刺激好睇。以《王冠》英國內部觀點，當時除左中英前途問題，仲有好多其他例如內部經濟問題、福克蘭戰爭、對歐政策等問題，當歷史近在眼前特別有投入感，睇預告已急不及待。

第四季要等到 2020 年 11 月 15 日至上映，係就係仲有排先到，但都相當值得期待。今季重點顯然係萬眾期待的戴安娜王妃登場，戴安娜王妃一角由 24 嵗的英國新晉女演員 Emma Corrin 飾演。此外仲有英國政壇最傳大人物之一的首相「鐵娘子」戴卓爾夫人登場，由曾出演《X檔案》的 Gillian Anderson 飾演；而奧斯卡金像獎、金球獎得主 Olivia Colman 在第四季中繼續飾演女王伊利莎白二世 （Queen Elizabeth II）。戴卓爾夫人與英女王之間的角力將會成為今季其中一個重點，兩位處事上的方或截然不同，令彼此間的火花和矛盾也日益漸增。當中，最讓英女王尷尬的莫過於戴卓爾夫人揭露皇室畫作管理員Anthony Blunt為蘇聯間諜一事。兩位「女事頭」將如何今季上演連場大鬥法，讓大家也拭目以待。

反正兩個女人一個墟，三個重要的女人周旋於英國落日時期， 愛恨交纏國仇家恨特別精彩可期，要是戴卓爾夫人無係北京人民大會堂跌倒，香港可能有截然不同嘅命運。青山依舊在，幾度夕陽紅，打開電視觀賞《王冠》都付笑談中，不！雖然戴卓爾夫人一再表示香港市民沒有居英權，唯80年代這一代人還有BNO呢！歷史有因有果卻也是由不信命的一代年青人打破局面....奔向心中自由的眼吧！