雖然近期香港疫情反覆，但人有時候都需要運動，知道你未必忍得住(雖然最好都梗係Stay Home啦)，既然係咁就要做足保護措施，帶備適合嘅裝備，盡量做到萬無一失。

若然你係鍾意行山嘅話，走到山上雖然空氣較好，但謹記口罩都應該盡量帶住，而同時一隻具有多功能嘅智能手錶亦都可能係你嘅最好拍檔，特別係可以避免真係發生咩意外嘅時候，可以減輕消防員搜救嘅工作。

著名運動手錶品牌Garmin近日提升就GPS 智能手錶 fēnix 系列、Instinct 系列及 Tactix Delta， 加入 Power Glass 高強度太陽能面板技術，創造出全新嘅太陽能手錶。其太陽能面板就算部份螢幕被遮住亦都唔會斷電，仍然可以以太陽光充電。同時其獨家電量管理系統，可以等你檢視各項「食電」設定，並自動調節及延長用電量，咁就唔怕手錶突然無電啦。

而新登場的 fēnix 6 Solar 及 fēnix 6s Solar 就同上一代一樣咁多功能，其中慨包括超過30種運動模式，好似游泳、跑步、 單車、登山等，配合各項獨有嘅小工具，等你運動嘅時候更方便。另外，好似單車新增MTB越野單車模式、攀岩支援一般攀岩及抱石模式，相信令鍾意運動嘅你有更多體驗。

外型方面三款系列都配有不同顏色，岩晒唔同性格特點嘅你，所以你可以盡情於運動入面展現自我，享受其中。