由Matthew Vaughn執導，屬《Kingsmen (皇家特工)》第三部作品嘅《The King's Man (皇家特工：第一任務)》宣佈第三度延期，最新上映日期為2021年2月26日。

《The King's Man》原定2019年11月上映，後來延期到今年情人節，再因肺炎影響而延到今年9月18日。《Forbes》分析指今次第三度延期，係因為發行商20th Century Pictures對《The King's Man》嘅票房相當有期望，而美國本土目前尚有包括加州及紐約等多個州份未解封，同時九月上映嘅電影已經包括《TENET》及《Wonder Woman 1984》(仲有《花木蘭》)，延期有助避免「三個和尚無水食」嘅情況。