行到邊踢到邊的足球小將遊戲出現啦！類似《Pokémon GO》類 AR 遊戲《TSUBASA+》將會係今年秋天上市。遊戲採用類似《Pokémon GO》運用 GPS 的玩法，可以組隊3 人一隊，並以 1 對 1 進行足球對戰，玩家可以透過挑戰地圖上的角色獲得伙伴，足小漫畫內的角色都會參與。

遊戲由 2017 年成立的新興公司 MIRAIRE 製作，留意返呢間公司係新手之前未推出過任何遊戲，《TSUBASA+》於 2019 年 6 月首次被公開，如同當時的預告般，遊戲將會準時係今年推出，現在已知遊戲內音樂全程由日本樂團「m-flo」的歌手 Taku Takahashi 製作。疫情的話遊戲都保留左一部份唔需要移動都玩到的內容，例如係屋企可以有一段自由移動、對戰的時間，或是可以傳送至好友旁等等。《TSUBASA+》預計於 2020 秋季起係各國雙平台 iOS 、 Android 陸續推出。愛好足球小將的狂迷或者鐘意《Pokémon GO》玩法的朋友要留意返！